బిచ్కుంద: రాజకీయాలు వేరు.. శుభకార్యాలు వేరని చెబుతూ ఎమ్మెల్యే తోట లక్ష్మీకాంతరావు తమ కుమార్తె వివాహానికి పార్టీలకతీతంగా హాజరై ఆశీర్వదించాలని బీఆర్ఎస్ నాయకులకు పెళ్లి పత్రికలు అందించారని బీఆర్ఎస్ నాయకుడు పిట్లా సాయికుమార్ అన్నారు. అనంతరం బీఆర్ఎస్ నాయకులను పోలీసులు అరెస్టు చేయడం సిగ్గుచేటని ఆయన మండిపడ్డారు.
పెళ్లి వంటి శుభకార్యాలకు రాజకీయాలకు అతీతంగా అందరినీ ఆహ్వానించి.. మరోవైపు బీఆర్ఎస్ నాయకులను అరెస్టు చేయడం ఏమిటని ప్రశ్నించారు. రాజకీయాలు వేరు.. శుభకార్యాలు వేరు అని చెప్పిన ఎమ్మెల్యే తీరుకు, ప్రస్తుతం జరుగుతున్న పరిణామాలకు పొంతన లేదని విమర్శించారు.
బీఆర్ఎస్ నాయకులను పెళ్లికి ఆహ్వానించి, అనంతరం అరెస్టు చేయడం ప్రజాస్వామ్య విలువలకు విరుద్ధమని సాయికుమార్ ఆగ్రహం వ్యక్తం చేశారు. శుభకార్యాలను రాజకీయాలకు దూరంగా ఉంచాలని, ఇలాంటి చర్యలకు పాల్పడటం సరికాదని అన్నారు.
“పెళ్లికి పిలిచి.. ఇప్పుడు అరెస్టు చేయడం ఏంటి? ఇదేం సంస్కృతి?” అని పిట్లా సాయికుమార్ ప్రశ్నించారు. ఈ వ్యవహారంపై ఎమ్మెల్యే తోట లక్ష్మీకాంతరావు స్పందించాలని ఆయన డిమాండ్ చేశారు.
