ప్రతి ఇంటిపై జాతీయ జెండా ఎగురవేయాలి.. దేశభక్తి, జాతీయ ఐక్యతను చాటాలి: బీజేపీ నాయకులు
నసురుల్లాబాద్, ఆగస్టు 10 (V59 న్యూస్):
నసురుల్లాబాద్ మండలంలోని మైలారం గ్రామంలో శ్రీ రాజరాజేశ్వర స్వామి ఆలయం వద్ద ‘హర్ ఘర్ తిరంగా’ కార్యక్రమ నిర్వహణపై బీజేపీ నాయకులు ముఖ్య సమావేశం నిర్వహించారు. దేశభక్తి, జాతీయ ఐక్యత, సమగ్రత భావాలను ప్రజల్లో మరింతగా పెంపొందించాలనే ఉద్దేశంతో నిర్వహించనున్న ఈ కార్యక్రమాన్ని విజయవంతం చేసేందుకు చేపట్టాల్సిన ఏర్పాట్లు, కార్యక్రమ నిర్వహణ విధానం, ప్రజల భాగస్వామ్యంపై నాయకులు చర్చించారు.
‘హర్ ఘర్ తిరంగా’లో భాగంగా మండలంలోని ప్రతి ఇంటిపై జాతీయ జెండాను ఎగురవేసేలా ప్రజలను ప్రోత్సహించాలని నాయకులు సూచించారు. యువత, మహిళలు, విద్యార్థులు, గ్రామ ప్రజలు పెద్ద సంఖ్యలో కార్యక్రమంలో పాల్గొనేలా విస్తృతంగా అవగాహన కల్పించాలని నిర్ణయించారు. జాతీయ జెండా పట్ల గౌరవం, దేశభక్తి భావన ప్రతి ఒక్కరిలో పెంపొందేలా కార్యక్రమాన్ని ఘనంగా నిర్వహించాలని నాయకులు పేర్కొన్నారు.
గ్రామాల్లో ప్రజలకు కార్యక్రమం యొక్క ప్రాధాన్యతను వివరించి, ప్రతి కుటుంబం జాతీయ జెండాను ఎగురవేసేలా ప్రోత్సహించాలని సమావేశంలో నిర్ణయించారు. కార్యక్రమం విజయవంతానికి పార్టీ నాయకులు, కార్యకర్తలు సమన్వయంతో పనిచేయాలని పిలుపునిచ్చారు.
ఈ సమావేశంలో బీజేపీ మండల అధ్యక్షులు చందూరి హన్మండ్లు, మండల ఇన్చార్జ్ మోహన్ రెడ్డి, రాష్ట్ర నాయకులు పైడిమల్ లక్ష్మీనారాయణ, ఓబీసీ జిల్లా కార్యవర్గ సభ్యులు సతీష్, మండల ప్రధాన కార్యదర్శి లక్ష్మణ్, మండల ఉపాధ్యక్షులు శేఖర్, ఓబీసీ మండల అధ్యక్షులు భాస్కల సాయిలు, దళిత మోర్చా మండల అధ్యక్షులు గంగాధర్, యువ మోర్చా మండల అధ్యక్షులు భీమరి భాస్కర్, గిరిజన మోర్చా మండల అధ్యక్షులు చౌవాన్ రాందాస్, మామిళ్ల గంగారెడ్డి, బూత్ అధ్యక్షులు సుబ్రహ్మణ్యస్వామి, కంది మల్లేష్, బతిని రాజు, సంతోష్, సాయి కుమార్, శివ కుమార్తో పాటు పలువురు ముఖ్య నాయకులు, కార్యకర్తలు పాల్గొన్నారు.
జై హింద్ 🇮🇳
